Publicación de Concello A Cañiza - Pontevedra
·
Presentación do libro “Poesía e sociedade no cancioneiro popular galego” de Xesús Alonso Montero
O Alcalde Luis Piña convida á veciñanza a participar nun destacado acto cultural que terá lugar este sábado, 22 de novembro, ás 17:30h, no 
Salón de Plenos da Casa Consistorial.
A actividade está organizada pola Casa Museo Diego de Giráldez, dentro do seu compromiso 
coa difusión da cultura e do patrimonio literario galego.
O encontro contará coa presenza do profesor e escritor 
Xesús Alonso Montero, quen presentará o seu libro “Poesía e sociedade no cancioneiro popular galego” (Editorial Galaxia). 
Trátase dunha obra de grande relevancia que ofrece unha nova mirada sobre a relación entre a creación popular e o seu contexto social.Ademais do Alcalde como anfitrión, na presentación participará tamén o recoñecido artista Diego de Giráldez, principal organizador desta xornada literaria.Dende o Concello, o Alcalde anima a todas as persoas interesadas na literatura, na investigación e na cultura galega a asistir e participar neste relevante acto cultural.